IX Premio Narrativa Breve Repsol

Ábrese o prazo de presentación de orixinais para o certame, dotado con 12.000 euros

 

Fundación Repsol e a Consellería de Cultura, Educación e Ordenación Universitaria convocan a IX edición do Premio Narrativa Breve Repsol, que conta cunha dotación económica de 12.000 euros e inclúe a adquisición por parte de Fundación Repsol dos dereitos de explotación da primeira edición do texto galardoado e a publicación da peza pola Editorial Galaxia. O prazo de presentación das obras estará aberto ata o próximo 23 de xullo. Os textos deberán ser orixinais e escritos en galego, conforme á normativa establecida pola Real Academia Galega, cunha extensión mínima de 50 folios e máxima de 120. As bases completas están dispoñibles para descarga neste enlace.

Unha vez pechado o prazo, un xurado formado por un representante da Secretaría Xeral de Política Lingüística da Consellería, outro de Fundación Repsol, un da Real Academia Galega, outro da Asociación de Escritoras e Escritores en Lingua Galega e un de Editorial Galaxia, decidirán a obra gañadora que se dará a coñecer no mes de setembro.

O Premio Breve Repsol foi creado no ano 2006 pola Refinería e vertebrado de forma conxunta coa Secretaría Xeral de Política Lingüística de la Xunta de Galicia, co obxectivo de fomentar a cultura e a lingua galega. No 2010, Fundación Repsol toma o relevo da Refinería no impulso do certame, que dende o seu inicio, conta co apoio da Real Academia Galega e da Asociación de Escritoras e Escritores en Lingua Galega, así como coa estreita colaboración da Editorial Galaxia, que editou as anteriores obras gañadoras.

Na primeira edición, en 2006, o periodista Miguel Sande conseguiu este galardón pola súa obra Si algún día esta muller morta e Xavier Lama, profesor da USC e periodista, conseguiu un accésit por O insomnio dos centauros. A gañadora da segunda edición foi a obra Así nacen as baleas, da escritora Anxos Sumai, e na terceira o narrador, dramaturgo e debuxante humorístico Xosé Luís Martínez Pereiro obtivo o galardón polo traballo A verdade como mal menor. Na edición 2010 o premio foi para o escritor galego, Xurxo Sierra pola súa obra Os Fios. Microbios e outros paquidermos de Fernando Díaz-Castroverde gañou a edición de 2011. En 2012, o galardón foi para a obra A forma das nubes, de María López Sandez; mentres que no 2013 a obra gañadora foi O derradeiro libro de Emma Olsen, de Berta Dávila. Finalmente, no 2014 Santiago Lopo conseguiu premio grazas a súa obra A Diagonal dos Tolos.

 

TODA A INFO

 

CONCURSOS

Marta Villar Cruces

Diseñadora Gráfica. Tras estudiar Gráfica Publicitaria en AulaD en Vigo, comenzó este proyecto, al que, con el paso del tiempo, se ha ido uniendo mucha gente.Actualmente compagina su actividad como Autónoma con la dirección de CroaMagazine.

Deja un comentario