Colectivo Bomba preséntase este vindeiro Sábado día 22 de Febreiro cun dobre concerto para presentar o seu primeiro traballo discográfico “YEAH!”.
O disco contén once cortes grabados nos estudos “Clandestinos” de Pontevedra baixo a batuta de Txapu e Toñyto All Time. Nel destacan colaboracións como a de Albert (Itaca Band), Aleko (Planeta Lem) ou Juancho e Alberto (Filobia). Once temas que invitan ao baile, bo ambiente e un alento fresco e utópico referente a situación actual.
Colectivo Bomba mostrará nun dobre concerto no Casino Ateneo de Monforte (precioso edificio histórico da cidade), que incluirá un acústico ás 17.00h e un eléctrico ás 23.00h. Presentarán así o traballo no que levan traballando un intenso ano no que, ademais da grabación deste disco, debutaron con 26 concertos ao logo da xeografía galega.
Colectivo Bomba comeza a súa traxectoria en Maio de 2013, cando, nunha Jam Session local, se coñecen os seu integrantes.
Este grupo orixinario de Monforte de Lemos, afincado en Arxevide, comezou a súa viaxe con nada máis e nada menos que 26 concertos no seu ano debut, contando cunha grande acollida do público e a crítica. Caracterízanse pola mestizaxe no estio, onde podemos atopar salpicaduras do Ska, o Reggae, o Rock ou a Cumbia entre outros. Mesturándoos con letras que tratan temas como o desafogo humano e a protesta social.
No seu primeiro ano xa compartiron escenario con grupos como Ultragans, Itaca Band ou Natural Green entre outros.
Podedes escoitar e descargar este primeiro traballo na súa páxina web:
