Cinema e muller

A Deputación de Pontevedra lanza o proxecto “Cinema e muller” coa vontade de visibilizar as creadoras do audiovisual e fomentar así unha maior participación das mulleres na creación da cultura e da arte.

O cinema feito en Galicia atravesa un bo momento e está a obter recoñecementos nos festivais internacionais independentes, de xeito que xa se fala do Novo Cinema Galego como un movemento de vangarda. Neste agromar do audiovisual os filmes creados por mulleres presentan unha especifidade propia, que se manifesta nun discurso da diferenza ou da diversidade e na intersección coa arte. Trátase dun cinema que se atopa cómodo preto da obra de autora, do experimental e do documental comprometido.

“Cinema e muller” inclúe varias accións, o mapeo de mulleres realizadoras vinculadas á provincia, a organización dunhas charlas sobre cinema e xénero, unha mostra de cinema galego e a estrea dunha película colaborativa realizada por dez cineastas.

Esta iniciativa é un exemplo do que se pode facer para fomentar a construción de discursos narrados por mulleres. Porque se a linguaxe constrúe o mundo, e o audiovisual é unha linguaxe que hoxe sabemos esencial, ás mulleres quédalles por definir unha boa parte da súa historia. A realidade é que sen creadoras o imaxinario audiovisual propio das mulleres se atopa amputado, silenciado, desexando pronunciarse para achegar ao cinema a súa voz e para crear unha sociedade máis xusta.

 

 

VISIÓNS

Vigo, 16 de marzo ás 20.30h – Auditorio do Concello

Pontevedra, 17 de marzo ás 19.30h – Sexto Edificio do Museo

 

MOSTRA

Pontevedra, 11 de marzo ás 18.30h e 12 de marzo ás 19.30h – Sexto Edificio do Museo

Vigo, 14 e 15 de marzo ás 20.30h – Auditorio do Concello – Cine Clube Lumière

 

CHARLAS

Vigo, 17 e 18 de marzo de 10.30 a 14.00h – Museo de Arte Concemporánea

 

CONCERTO

Vigo, 18 de marzo ás 21.00h – Praza da Colexiata, casco vello

 

 

Marta Villar Cruces

Diseñadora Gráfica. Tras estudiar Gráfica Publicitaria en AulaD en Vigo, comenzó este proyecto, al que, con el paso del tiempo, se ha ido uniendo mucha gente.Actualmente compagina su actividad como Autónoma con la dirección de CroaMagazine.

Deja un comentario