The Birds – Hitchcock musicado en directo!

O luns 5 de decembro na Casa de Arriba poderedes gozar do visionado dunha boísima película escoitando sons e música interpretados en directo ao voso lado.

«Os paxaros» (The Birds) é unha película estadounidense de 1963 dos xéneros de drama e terror dirixida por Alfred Hitchcock e con Tippi Hedren, Rod Taylor, Jessica Tandy, Suzanne Pleshette e Veronica Cartwright nos papeis principais. Baseouse nunha novela curta homónima de 1952 baseada á súa vez en feitos reais e escrita por Daphne du Maurier.

Aproveitando que Hitchcock eliminou a música incidental no desenvolvemento do filme para experimentar cos lapsos de silencio, eses lapsos valerán para que Paulo Pascual ( «Camarada Nimoy», «Modulador de Ondas» https://www.facebook.com/Moduladordeondas ) provoque unha nova experiencia no espectador cos sons emitidos por un theremin e unha guitarra eléctrica.

Hora: 21:00
Entrada: 3€