Maruja Mallo e a xeometría do signo

O vindeiro 1 de abril, Día das Artes Galegas, achegarémonos ao fascinante universo de Maruja Mallo, a artista galega máis recoñecida do século XX e, con Luís Seoane, a de maior proxección internacional. A tal fin contaremos con dous relatorios: a xornalista Carme Vidal fará un percurso pola súa biografía, e o historiador e crítico de arte Carlos Bernárdez abordará a análise da obra. No apartado artístico, o pianista Pablo Seoane e a cantante Belén Bermejo estrearán o espectáculo poético – musical “Longa e profunda liña da sorte” a partir de textos da propia Maruja Mallo.

A sesión rematará ás 14 h. cun convite a un viño e un petisco por cortesía de Bodegas Martín Códax e Conservas Antonio Pérez Lafuente.

Entradas de balde previa inscrición no enlace: http://www.cidadedacultura.gal/gl/evento/maruja-mallo-e-xeometria-do-signo