Charla Ninja

A MiiC, Mostra Internacional de ilustración Contemporánea, acolle este sábado unha Charla Ninja na que David Rubín e Alberto Guitián repasarán o Decálogo Ninja do ilustrador, achegando as súas experiencias e anécdotas como profesionais da ilustración. A charla é un complemento da exposición «Guía Ninja do Ilustrador», espazo dentro da MiiC que repasa os obxectivos, os contidos e a boa acollida da campaña da AGPI (que neste mes de abril cumpre o seu primeiro aniversario). Rubín e Guitián abordarán de xeito moi visual os actuais retos dos creadores freelance, como a protección e a xestión dos dereitos de autor no mercado global ou a defensa fronte plaxios ou prácticas especulativas. A charla é de balde e aberta a todo o público, especialmente recomendable para creativos freelance, estudantes de arte e afeccionados á ilustración e á BD.

Auditorio de Galicia (Sala Mozart), Santiago de Compostela
Sábado 22 de abril 12.30h
Para todos os públicos
Entrada libre ata completar o aforo
Duración: 75 min