No marco da Praza dos Libros, feira da creatividade cultural que terá lugar do 20 ao 23 de Agosto no Xardín Municipal de Carballo, estase a organizar tamén unha pequena mostra de fanzines, para visibilizar a creatividade da autoedición gráfica das marxes, para difundir os formatos e contidos autoeditados polas súas creadoras e creadores e para posibilitar un espazo de mostra e venda desas creacións.
Fanzinadas está enmarcado na Praza dos Libros, terá lugar o venres 21 de Agosto de 17.30 a 21.30 horas e nela convidamos a participar a todas as creadoras e creadores con proxectos orixinais.
O prazo de recepción das propostas finalizou xusto onte, pero vos animamos a achegarvos ata Carballo a disfrutar desta proposta tan interesante.
Máis info: info@lauratova.com
