Ábrese a convocatoria do festival Novos Cinemas

Ata o 15 de abril de 2016 está aberto o prazo de admisión de longametraxes para participar na edición 01 do Festival Internacional de Cinema de Pontevedra.

Novos Cinemas admite a competición primeiras e segundas obras de autores de calquera nacionalidade. A primeira edición do festival terá lugar do 28 ao 3 de xullo de 2016 en Pontevedra.

No festival, que conta cunha única sección competitiva de ámbito internacional, poderán concursar todas aquelas longametraxes dunha duración superior a 60 minutos, sempre que supoñan a primeira ou segunda obra dos seus realizadores.

Dende a dirección do festival destacan a importancia de achegar ao público ese cinema de calidade que non chega ás salas comerciais en España, polo que un dos principais requisitos para participar é que a longametraxe presentada non fose  estreada comercialmente en España nin exhibida en circuítos de televisión públicos ou privados no momento da súa inscrición.

Novos Cinemas Convocatoria Ed01

OS PREMIOS E O XURADO

As longametraxes seleccionadas a competición na edición 01 de Novos Cinemas optarán a tres premios: Premio Novos Cinemas, Premio Xurado Novo Screenly e Premio dos Público «Cinemas de Galicia». O Premio Novos Cinemasserá outorgado á mellor longametraxe por un xurado internacional e terá unha dotación económica de 2.000€. No caso do Premio Xurado Novo, o xurado estará composto por un grupo de estudantes universitarios pertencentes ao Campus de Pontevedra. Este premio ten como obxecto axudar á distribución do filme gañador desta categoría incluíndoo no catálogo da plataforma de proxeccións baixo demanda Screenly. Por último, mediante a participación dos espectadores e as súas votacións, entregarase o Premio do Público en colaboración con AGADIC, que ten como fin axudar á distribución do filme gañador desta categoría incluíndoo na rede salgas públicas para a exhibición cinematográfica «Cinemas de Galicia».

Novos Cinemas volverá encher as rúas de Pontevedra de cinema a finais de xuño. A edición 01 contará con máis talleres e seminarios con autores de prestixio, proxeccións de películas, coloquios e mesas redondas con directores e directoras e actividades para os máis pequenos, entre outras ofertas.

Os interesados poden inscribir as súas obras ou consultar as bases na web do festival, www.novoscinemas.com.

CONSULTA AQUÍ AS BASES

Marta Villar Cruces

Diseñadora Gráfica. Tras estudiar Gráfica Publicitaria en AulaD en Vigo, comenzó este proyecto, al que, con el paso del tiempo, se ha ido uniendo mucha gente. Actualmente compagina su actividad como Autónoma con la dirección de CroaMagazine.

Un comentario

  1. Pingback: Bibliografía

Deja un comentario